Ginpasiguro sang spokesperson sang Department of Education-Regional Office 6 nga naatinder sang maayo ang mga atleta nga magahampang para sa Western Visayas Regional Athletics Association (WVRAA) Meet 2024 kun sa diin ang host amo ang Negros Occidental kag ciudad sang Bacolod.
Sa interview ang Bombo Radyo Bacolod kay Hernani Escullar Jr., humalin sang nag-abot ang mga delegado sadtong nakaligad nga adlaw ang maayo man ang nangin sitwasyon sang mga ini sa belitting areas.
Suno kay Escullar, ginsuguro man sang provincial government sang Negros Occidental kag city government ng Bacolod kasubong man sang opisyales sang Western Visayas Regional Athletics Association (WVRAA) Meet.
Kaina alas 6:00 nag-umpisa ang ginpatigayon ang athletics sa Panaad Park and Stadium apang ginpauntat ini sang alas 9:00 ang takna kaina sang aga bangud masakit na sa panit ang init kag nagresume kaina sang hapon.
Nagpadayon sa karun ang mga indoor games nga ginpatigayon sa ventilated kag conducive areas agud nga masiguro ang kahilwayan sang mga players.
Suno kay Escullar, ginauna sa karun sang Department of Education ang ikaayong lawas kag wellbeing sang mga atleta sangsa paghampang.
May nakastandby nga mga police kag security personnel sa tagsa ka belitting areas kag playing agud nga masiguro ang seguridad sang mga atleta.
Ang team nga magachampion sa WVRAA Meet 2024 ang magarepresentar sang Western Visayas sa Palarong Pambansa 2024 sa Cebu sa bulan sang Hulyo samtang sa individual naman ang dapat ang individual sports naman nga nagdaog sa WVRAA meet ang dapat makasulod sa requirement sang National Sports Council agud nga makahampang sa Palarong Pambansa.
