Dakop ang isa ka pugante nga Indian national sa Santa Lucia Gardens Subdivision, Barangay Taculing, Bacolod City.
Naaresto si Joginder Geong, kag nagagamit man sang pangalan nga Kant Gupta, isa ka Indian national paagi sa joint operation sang Bacolod Police Station 6 sa pagpanguna sang Police Captain Dax Santillan, FILD kag CIT Bacolod sang RIU6, Bacolod Marpsta, RMU 6, 605th COY sang RMFB 6 kag FSU sang Bureau of Immigration.
Si Geong ukon si Gupta ang nagapangatubang sang kaso nga paglapas sa Philippine Immigration Law, Commonwealth Act No. 613, kag ginakabig ini nga undesirable alien matapos nga isa ini ka pugante nagikan sa India.
Ang nasambit nga persona ang nagapatubang sang madamo nga kaso sa India nga ginalakipan sang murder, attempted murder, extortion kag robbery kag ini man ang lider sang organized crime syndicate kag ini ang may sentensya nga life imprisonment bangud sa paglapas sang layi sa nasambit nga pungsod.
Si Geong ang nagapanago sa Pilipinas gamit ang peke nga pangalan nga Kant Gupta kag fraudulent Nepalese Passport.
Geong ang yara na sa kustodiya sang FSU sang Bureau of Immigration, for proper disposition antes pa man ang possible nga deportation.
