Patay ang 32 anyos nga Police personnel matapos maaksidente sa Sitio Linao, Barangay Bato, Hinigaran, Negros Occidental alas-10:35 kagab-i.
Ang biktima ang ginkilala nga si Police Staff Sgt. Steven Donasco, kasado, residente sang Barangay 1, sa banwa sang Hinigaran kag assigned man sa Hinigaran Municipal Police Station.
Sa interview sang Bombo Radyo Bacolod kay Police Captain Welma Silva, public information officer sang Negros Occidental Police Provincial Office (NOCPPO), si Donasco ang nagpatigayon sang surviellance bilang intelligance officer sa Wanted Person nga yara sa banwa sang Isabela kag papauli na kuntani sang natabo ang aksidente.
Ang lugar sang insidente ang madulom kag may-ara sang ginapatigayon nga road construction.
Apang bangod wala sang reflectorized signages sa dalan kag madasig nga dalagan sang pulis, ini ang nakabunggo sa barikada.
Apisar nga may helmet, bangod sa impact naglabog ang biktima kag ini ang nakaangkon sang patal nga injuries sa kalawasan.
Ginhingagaw pa dala sa Hinigaran Medical Clinic ang biktima apang ini ang gindeklarar nga dead on arrival.
Paathag ni Silva nga self-inflicted ang aksidente kag wala man sang sugata ang biktima.
