Nagluntad ang argumento sa tunga sang Bacolod City Legal Enforcement Unit kag Punong Barangay sang Barangay Alijis kasunod sa clearing operation nga ginpatigayon sa Doña Carmen Avenue, barangay Alijis, Bacolod City, kahapon.
Sa interview sang Bombo Radyo Bacolod kay Punong Barangay Deogracias “Donnie” Dela Vega, wala nagkoordinar ang City Legal Office sa barangay sa ginpatigayon nga road clearing operation nga nagapakita nga wala sang respeto ang Bacolod City Legal Enforcement Unit sa barangay.
Suno diri, indi mahimo sang city legal nga mapahalin ang mga squatter ukon ang mga illegal structures sa iban apang sila nga naghatag lamang sang isa ka semana nga palangitan-an, ang ginhilabtan pa.
Dugang pa sini, kun ang canopy naga-obstruct sa dalan, mahimo ini nga masolusyonan nga maidog lamang nga indi maglapaw, amo nga kun tani nagpahibalo lamang ang city legal.
Gin-ako man ni Dela Vega nga ang dalan ginapanag-iyahan sang ciudad apang ang barangay ang may jurisdiction diri.
Pahayag ni Dela Vega, dako ang papel sang Punong Barangay kun may problema apang kun wala nagkoordinar sa iya posible pa nga sila ang mabutang sa delikado bangod sa kainit sang tawo.
Nagpanawagan ang organizer sang mga vendor nga ginpahalin sang Bacolod City Legal Enforcement Unit nga bayaran ang ginpangguba nga gamit kasunod sa clearing operation nga ginpatigayon sa Doña Carmen Avennue, barangay Alijis, Bacolod City.
Sa interview sang Bombo Radyo kay Marife Fernandez, ginka-init sini ang natabo nga clearing operation kun sa diin ang mga canopy nga ginpatindog ang nakapangalan sa iya nga iya ginrentahan, ang ginpangguba sang Bacolod City Legal Enforcement Unit.
Suno diri, indi sini pagbayaran ang tanan nga gamit nga nagguba kag ang mga tennants amo nga pangitaan ini sang solusyon sang city legal office.
Nagapanindugan naman ini nga may deperensya sa City Legal Office nga wala nagkoordinar sa barangay nga gilayon lang nga nagpatigayon sang clearing operation.
