Patay ang punong barangay sang Barangay Lalong, Calatrava, Negros Occidental matapos gintiro sang wala nakilala nga mga suspetsado sa ila nga balay kaina sang kaagahon.
Suno kay Police Major Lumyaen Lidawan, hepe sang Calatrava Municipal Police Station, si Punong Barangay Benjamin Havoc ang pinatay alas-4:30 kaina sang kaagahon.
Santo sa inisyal nga pag-usisa, indi magnubo sa 10 ka armado nga mga lalaki ang nagsulod sa balay ni Havoc kag ini ang gintiro nga nagresulta sa iya gilayon nga kamatayon.
Sa karon, ginatumod pa kun mga miyembro sang NPA ang mga suspetsado.
Tinalikdan nga tuig suno kay Lidawan, nagwarning ang NPA kay Havoc bangud ginaalegar nga wala ini nagacooperate sa pagsuporta sa rebelde nga grupo.
Suno kay Lidawan, North Negros Front ang grupo sang NPA nga naga-operate sa Calatrava kag iban nga bahin sang northern Negros.
