Pila sa mga atun nga mga kauturan ang matig-a kun hambalan ukon sa madalom nga tinaga balingag sa pagsunod sa mga ginapatuman nga pagsulundan.
Bangud sini may mga kompaniya nga nagapatuman sang pinasahi nga pagsulundan agud nga magsunod ang mga tawo.
Kaangay na lamang sa Shuibei International Center sa Shenzhen, China kun sa diin, nagbutang sila sang pwertahan sa banyo nga naga-transparent kun magpanigarilyo ang nagagamit.
Suno sa spokesperson sang shopping center, sang nagligad, nagpatuman na sila sang multa sa mga tawo nga madakpan nga nagapanigarilyo sa mga CR kag gin-ban ang mga ini sa sulod sang pila ka adlaw.
Apang may yara gihapon sang wala nagasunod gani nagdesisyon sila nga magpatuman sang lain nga paagi agud manuto ang mga tawo.
May nakabutang man nga karatula nga nagasiling nga dapat punggan ang pagpanigarilyo kun indi luyag nga mangin internet famous.
Ang bag-o nga CR ang naga-feature sang rectangular glass window nga may special silver halide ukon isa ka sahi sang binary chemical compound nga masami naga-frost para sa privacy.
Apang kun maka-detect sang cigarette smoke ang sensor nga gin-angut sa pirtahan, naga-react ang molecules kag gilayon nga nagabaylo sa clear glass.
