Ginkumpirmar sang Samahang Basketbol ng Pilipinas (SBP) nga ginkilala na sang FIBA si Quentin Millora-Brown bilang local player.
Suno kay SBP president Al Panlilio nga dako nga balita para sa Gilas Pilipinas kun sila ang malakip.
Bangud sini, mahimo na nga malakip sa lineup sang local players sang Gilas Pilipinas si Millora-Brown.
Una nga ginpahayag ni Gilas coach Tim Cone nga dako nga bulig ang pag-upod nila kay Millora-Brown.
Naghampang ini upod sa Gilas sa ila exhibition game batok sa Macau Black Bear antes ang ila partisipasyon sa FIBA Asia Cup nga ginhiwat sa Jeddah Saudi Arabia.
Ang 6-foot-10 nga si Millora Brown ang natawo sa US kag apo sang isa ka Filipino nga doktor.
Sang nagligad nga tuig, siya ang nangin yabi sang University of the Philippines Fighting Maroons nga makuha ang UAAP Season 87 men’s basketball title.
