Preparado na ang Bacolod City Police Office (BCPO) sa patigayunon nga filing sang Certficate of Candidacy bwas nga adlaw, Oktubre 1 tubtob Oktubre 8.
Sa interview sang Bombo Radyo kay Police Captain Jonito Pastrana ang spokesperson sang BCPO, may gintukod nga Quick Reaction Team nga ginalakipan sang augmentation gikan sa headquarters.
Suno diri, pananglitan nga may magluntad nga insidente, yara ang Quick Reaction Team para magresponder.
Nagpasalig naman ini sa mga pumuluyo sang ciudad nga ang pagtukod sang team ang indi makapanubo sa police visibility sa ciudad.
Dugang pa sini, nakahanda na sang security plan ang BCPO para sa walo ka adlaw nga filing sang COC.
Samtang, nagpanugyan ini nga kun may yara man sang mga supporters nga mag-upod sa mga kandidato nga obserbahan ang insakto nga pamatasan.
