Nakahibalo bala kamo nga may yara sang duha ka Pilipino nga Santo.
Ang Pilipinas nalakip sa listahan sang world’s largest Catholic nations kun sa diin ang pungsod may yara sang kapin 80 porsyento nga populasyon sang Katoliko.
Apang, apisar sa tinuig na nga debosyon kag sakripisyo, duha lamang ka Pilipino ang nangin Santo.
Ini amo sanday San Lorenzo Ruiz kag San Pedro Calungsod.
Mahibaloan nga si San Lorenzo Ruiz ginbun-ag sang Nobyembre 28, 1594 sa Binondo, Manila sa amay nga Chinese kag Pilipina nga iloy.
Nagserbe ini bilang altar boy kag nakapanagasawa sang Pilipina nga si Rosario kun sa diin may yara sila sang tatlo ka bata.
Apang ginpasibangdan si Lorenzo nga nagpatay sa isa ka Spaniard amo nga nalagayo ini padulong sa Japan kag didto ginapatay ang mga Christian.
Gindakop si Lorenzo, ginpreso kag gintorture sa pagpamalibag nga bayaan sini ang iya relihiyon.
Ginpatay siya paagi sa pagbitay sa iya nga baliskad kag ginpilasan ang iya agtang agud amat-amat ga maubosan sang dugo.
Samtang si San Pedro Calungsod naman ginbun-ag sang Hulyo 21,1654 sa Visayas region.
Siya nangin altar boy kag sacristan kag naglibot-libot para magtudlo sang Catechesis.
Sa Guam, gin-atake si Pedro kag ang upod sini nga pari nga si Father Diego Luis de San Vitores bangod may yara sang nagapamatok sa ila ginatudlo.
Wala nalagyo si Pedro kag ginprotektahan niya ang pari amo nga ginbuno siya sa iya dughan kag ginlabo sang pila ka beses samtang ginpatay man si Father San Vitores.
Ang ila mga lawas ginhigot sa mga bato kag ginhaboy sa kadagatan.
