Ginapareview sang Bacolod City Legal Office ang regulasyon sa Libertad Public Market nga nagresulta sa pagdangat na sang mga fruit vendors sa dalan.
Sa interview sang Bombo Radyo Bacolod kay Bacolod City Legal Officer Atty. Romeo Carlos Ting Jr., ginapareview sini kun diin nagikan ang impormasyon nga sila ang naggrant sang pagbaligya sa 1 meter gikan sa gutter, bangod ini ang wala pa nila nagrant.
Dugang pa nga ginbutangan sang mga atop ang mga balaligyaan gani ini ang nagapakitid pa sa dalan.
Magasugilanon ini sa Market head natuhoy sa ila regulasyon.
Paathag sini nga ginsugtan gid man makabaligya sa kilid sang dalan ang mga fruit vendors, apang ini ang kutob lamang sa gutter kag may labayan pa ang mga tawo, apang wala sila nakahibalo kun ngaa nag-assume ang mga vendors nga sila ang sarang lang makabaligya sa dalan.
Aminado man ini nga wala sang mga nagkuha sang pwesto sa annex building.
Bangod wala sa mga vendors sang interesado ginalantaw nga I-offer na lamang sa iban ang pagparenta, kag ila naman nga palason ang mga division, nga ginalaragway sang mga vendors nga kaangay sang kurong.
Una naman nga nag-offer nga magbaligya ang isa ka restaurant apang madamo sang kulang nga facilities sa area para sa nasambitan nga purpose.
