BACOLOD CITY – Mangin mabinungahon ang pagkari sang relics sang mag-asawa nga santos, Zeli kag Louis Martin sa ciudad sang Bacolod subong nga adlaw.
Nahibaluan nga kaina, gintugyan na sa Diocese of Bacolod ang relics sang mag-asawa nga santos bilang kabahin sang ila nahauna nga paglibot sa Pilipinas.
Suno kay Dr. Ma. Theresa Causing, ang head sang Education Committee sang Bacolod Diocese Organizing Committee for the first Philippine visit of the pilgim relics sang mga Martin, madamo sa karon sang mga pamahog sa kalig-on sang pamilya kag madamo man sang wala makahangop sang matuod-tuod nga kabilinggan sang pag-angkon sang isa ka panimalay.
Apang suno kay Causing, ang ehemplo nga ginhatag sang mag-asawa nga Martin, nga ginikanan ni St. Therese of the Child Jesus, ang angay nga sundon agud amligan sang tagsa-tagsa ang ila pamilya.
Nahibaluan nga nangin katekista sang ila siyam ka mga kabataan ang mag-asawa nga Martan apang apat sa mga ini ang nagkalamatay samtang lapsag pa lamang kag ang lima nga nabuhi ang lunsay nagsulod sa relihiyoso nga pangabuhi.
