Posible magdangat sa anum tubtob pulo ka bulan ang pagtukod sang animal shelter sa Brgy 35, Bacolod City.
Suno kay Bacolod City Engineers Office Head Engineer Loben Seballos, napresentar na sini ang proposed nga animal shelter kay Bacolod City Mayor Greg Gasataya.
Madumduman nga pila ka animal welafre group ang nagpanawagan nga i-imprubar ang sitwasyon sang mga kasapatan sa dog pound.
Suno diri, indi madayon ang plano sadto nga patukoron ang animal shelter sa Brgy Granada amo nga irenovate na lang ang dog pound sa Brgy 35 nga may kalaparon nga 2,000 sqaure meters kun sa diin butangan ini sang drop off, quarantine area, general housing area, may open area, may treatment room, kag may reception.
Ang irenovate nga animal shelter sarang maka-akumodar sang 500 ka ido.
