Resolusyon nga magarequire sa paghimo sang safety precaution measure sa tagsa ka eskwelahan bangod sa tuman nga kainiton, ginpropose sa Bacolod City Council

Nagpagwa na sang resolusyon ang Committee on Health and Sanitation sang Sangguniang Panlungsod sang ciudad sang Bacolod angot sa tuman ka init nga naga-apekto sa klase.

Sa interview sang Bombo Radyo kay Councilor Claudio “Kalaw” Puentevella, chairman sang committee on health and sanitation, luyag sini nga magdihon sang safety precaution measure ang tagsa ka mga buluthuan sa ciudad.

Suno diri, ang resolusyon mangin guidance sa mga buluthuan nga magsecure sang safety kit kag supesyente nga supply sang tubig kag paglikaw sang mga aktibidades nga nagabulad sa mga estudyante sa init.

Dugang pa sini, dapat nga mapahanumdom kag mapa-intindi sa mga estudyante nga dilikado ang tuman ka init nga tiyempo.