Handa ang Russia nga magpadala sang isa ka delegation sa Minsk, ang capital sang Belarus, agud makighinun-anon sa Ukraine, suno sa report sang Russian state news agency nga RIA-Novosti.
Santo sa report, ginpahayag ni Kremlin spokesperson Dmitry Peskov nga gin-anunsyar ni Ukrainian President Volodymyr Zelensky nga ini ang handa nga diskusyunan ang neutral status sang Ukraine.
Suno diri, una na nga ginpahayag ni Russian President Vladimir Putin nga ang tinutuyo sang operasyon amu ang buligan ang LPR kag DPR ukon ang Donetsk kag Luhansk People’s Republics, paagi sang demilitarization kag denazification sang Ukraine.
Kag ini ang isa ka integral nga component sang neutral status.
Nagapanawagan si Putin sang “denazification” sang Ukraine, isa ka tinaga nga ginakondenar internationally ilabi na nga si ka Jewish si Zelensky.
Suno kay Ukrainian presidential adviser Oleksiy Arestovych, ginakonsiderar sang Ukrainian government ang proposal nga magpatigayon sang paghinun-anon sa Russian delegation sa Minsk.
Sa isa ka separado nga video message nga ginpagwa sang Biyernes, nagpanawagan si Zelensky sang direct talks kaupod si Putin.
Wala naman direkta nga ginpropose ni Zelensky ang neutral status apang nagsignal nga willing ini nga diskusyunan kag nag-insist nga ang iya pungsod ang magahatagan sang kasiguruhan sa seguridad.
Suno sa Ukrainian President, wala ini nahadlok makig-istorya sa Russia tuhoy sa maskin ano nga butang lakip na ang seguridad sang pungsod kag ang neutral status.
