Nakahibalo bala kamo nga ang nagakatabo sa karun nga invasion sang Russian forces sa Ukraine ang ginbansagan man nga “First Tiktok War”?.
Ini ang nag-umpisa sa mga makatalandog balatyagon nga mga litrato gikan sa umpisa sang Russian invasion nga kuha sang photojournalist nga si Tyler Hicks, kun sa diin ginapakita ang patay nga suldado nga nagahamyangon sa atubang sang wala na naga-andar nga tangke kag ang lawas sini ang napuno na sang snow.
Ang litrato ang nafeature sa front page sang mga magazine sang Pebrero 26, kun sa diin nakabutang sa caption nga lunsay Russian ang suldado kag ang tangke kag ang litrato ang ginkuha sa Kharkiv, isa ka syudad sa northeastern Ukraine kun sa diin nagluntad ang isa sa mga pinakainit nga engkwentro.
Ginsundan ini sang vdeio clips sang missile nga nagakahulog sa syudad sang Kyiv nga daw kaangay sang fireworks.
Ang video ang gin-updan pa sang music nga “Little Dark Age” nga ang lyrics ang ginagamit nga audio meme sa Tiktok ang “Just know that if you hide, it doesn’t go away”.
Ang video ang nakaganar na sang masobra 9 million likes kag ini ang ginsundan naman sang nagkalain-lain nga mga tiktok videos natuhoy sa gyera.
Ginalantaw nga ang koleksyon sang mga Tiktok Videos ang nagaserbe naman nga paagi agud makita sa bilog nga kalibutan ang nagakatabo sa Russian invasion.
Ini ang gintiguluhan man nga “first TikTok war”.
Kalakip sa mga videos sang Russian invasion sa Ukraine nga nakaganar sang masobra 10 million likes ang lalaki nga Ukranian nga nagabitbit sang bomba, samtang nagapadayun sa pagpanigarilyo; Ukranian soldier nga nagamoonwalk sa “smooth criminal” ni Michael Jackson; videos sa mga bomb shelters kalakip na ang pamahaw sang mga suldado nga saging kag yogurts.
Ang mga ginpagwa nga video ang pamaagi naman sang mga Ukrainians sa pagprotesta sa pag-atake ni Russian President Vladimir Putin.
Ang Tiktok kag iban pa nga social media platform ang nagserbe na nga documentations sa adlaw-adlaw nga nagakatabo sa Ukraine tuga sang pag-atake sang Russian forces.
