Suspendido sang tatlo ka hampang ang Sacramento Kings guard nga si Dennis Schroder matapos gina-alegar nga ginkomprontar kag gintuyo sakiton ang kasumpong nga NBA player matapos sang hampang.
Wala naman ginhingadlan sang NBA kun sin-o ang player nga ginkomprontar ni Schroder, apang una na nga naglapta sa balita nga ini si Los Angeles Lakers star Luka Doncic.
Suno sa pamunuan sang NBA, ginpangita ni Schroder si Doncic sa hallway sang arena kun diin ginhiwat ang hampang kag didto natabo ang pagkomprontahanay.
Gina-alegar nga nagluntad ang mainit nga pagbinaisay sa tunga sang duha ka mga player.
Samtang, wala naman sang multa ang pagkasuspender ni Schroder.
Indi ini makahampang sa masunod nga game sang Kings kag Lakers, amo man sa masunod pa nga hampang batok naman sa New York Knicks.
Sa karon, ang Sacramento Kings ang nagapangaduha sa may malaw-ay nga record sa bug-os nga NBA.
