Sapatos ni Elvis Presley, nabaligya sang P8.8 million sa auction

Nabaligya ang sapatos sang nagtaliwan nga si Elvis Presley sang masobra $152,000 ukon P8.8 million sa ginpatigayon nga auction.

Ang “Blue Suede Shoes” ang nabaligya sa Henry Aldridge and Son auction house sa Britanya.

Nag-umpisa ang auction sa masobra sa $69,600.

Ang size 10 nga sapatos nga may tatak nga “Nann-Bush” ang suksok ni Presley sa stage sadtong 1950.

Ginsuksok niya ini samtang ginakanta ang mga kilala nga kanta kaangay sang “Hound Dog”, “I Want You, Need You, I Love You” sa The Steve Allen Show sadtong 1956.

Ang Blue Suede Shoes ang isa sa mga sikat nga kanta ni Presley.