Ginwaswasan ni Vice President Sara Duterte si Philippine National Police chief Rommel Francisco Marbil kasunod sang pagkakas sini sang 75 ka police personnel nga security detail ni Duterte.
Una diri, ginpahayag ni Marbil nga ginkakas ang 75 ka police personnel nagikan sa Vice Presidential Protection Division (VPPD) bangud kinahanglan sila nga ibutang sa National Capital Region kag wala man sang immediate threat kay Duterte.
Sa open letter nga ginpagwa ni VP Sara sang Lunes, July 29, ginpanindugan sini nga butigon si Marbil sa iya nga mga statements may kaangtanan sa removal sang iya nga security detail.
Suno kay Duterte, wala sang problema sa iya kun kakasan ini sang police personnel bilang security bangud makatrabaho man ini nga wla sang security detail apang indi ini kumporme sa mga pahayag ni Marbil.
Yari ang open letter ni Duterte.
