Ginpasalig sang officer-in-charge sang Securities and Exchange Commission (SEC)-Bacolod City nga bukas ang ila talatapan sa mga luyag makahibalo sang investment education.
Sa interview sang Bombo Radyo Bacolod kay Atty. Annabelle Corral-Respall, ginpahayag sini nga humalin pa man sadto, nagapatigayon na sila sang mga libre nga seminar angot sa investment education.
Suno sa iya, nagatanyag sila sang free seminar sa mga eskwelahan ukon mga grupo nga nagarequest sa ila.
Dako man ang pagpasalamat sini sa kay late DILG Negros Occidental head Atty. Ferdinand Panes nga nagpanguna gid sa paghatag sang series of orientation sa nagkalain-lain nga mga local government units sa probinsya.
Suno kay Respall, kahapon nagpatigayon sila sang investor education seminar sa mga department heads sang nagkalain nga mga opisina sa ciudad sang Bacolod.
Nagpanugyan naman ini sa publiko nga dapat gid halungan ang kwarta ilabi na subong nga may ginapangatubang nga pandemya.
