Ginaplanuhan sang Senado nga buhinan ang mga holidays sa Pilipinas.
Suno kay Senate President Francis “Chiz” Escudero, tuman kadamo sa karun ang holidays sa Pilipinas lakip na sa mga ciudad, munisipalidad, provincial kag national celebrations, rason kun ngaa nangin less competitive ang pungsod.
Suno diri, nakasugtan sang Senado nga limitahan ang mga holiday sa bilog nga pungsod nga amu ang rason kun ngaa less competitive ang mga kumpaniya kag empleyado.
Suno sa Senador, pwede masunod sang Pilipinas ang President’s Day sang Estados Unidos kun sa diin ginatingob sa isa na lamang ka adlaw ang pagselebrar sang kabuhi sang mga maayo nga Presidente sang pungsod indi kaangay sa Pilipinas nga may Araw ng Kagitingan, National Heroes Day kag iban pa nga mga baganihan.
Aminado ini nga makatuga ini sang away apang indi naman ini pagsuguran subong kundi magasugod anay sang proseso kag madesisyunan sang mga mamalidha.
