Wala sang epekto sa nagapadayon nga impeachment trial ni Vice President Sara Duterte sa Senate Impeachment Court ang kaso nga grave threats nga ginapangatubang sini sa Quezon City Regional Trial Court, suno kay Senate President Sherwin Gatchalian.
Ginpahayag sang senador nga magkatuhay ang duha ka proseso bangud ang RTC ang naga-uyat sa criminal case, samtang ang Senado ang nagaserbe bilang Impeachment Court nga nagatalakay sa impeachment case batok sa bise presidente.
Ginpaathag ni Gatchalian nga ang pagdeterminar sang Quezon City court nga may probable cause batok kay Duterte ang wala nagakahulugan nga napamatud-an na nga may ginlapas ang bise presidente ukon pinal na ang hukom sang korte.
Sa impeachment trial, kinahanglan pa gihapon ipresentar sang depensa ang ila mga ebidensya antes mag-desisyon ang mga senador bilang impeachment judges.
