Ginhingyo ni Senator Bam Aquino nga magpatigayon sang hearing ang senado angot sa plano nga ipatuman sang Department of Education (DepEd) nga trimestral system para sa School Year 2026-2027.
Bilang Chairperson ng Senate Committee on Basic Education, ginpahayag ni Aquino nga importante nga mausisa kag maistoryahan sang maayo ang reporma antes ini ipatuman.
Madumduman nga una na nga ginpahayag sang DepEd nga ginatun-an nila ang posibilidad sang pagpatuman sang trimestral nga sistema bilang kabahin sang isa ka “holistic approach” para sa mas balanse nga time management sang mga estudyante kag mas hapos nga pagtudlo sang mga maestro kag maestra.
Sa idalum sini, pagatungaon ang 201 ka adlaw nga school days sa tatlo ka termino: Hunyo tubtob Setyembre, Setyembre tubtob Disyembre, kag Enero tubtob Marso.
Samtang, lauman nga magpagwa ang DepEd sang final policy guidelines sa masunod nga mga adlaw pagkatapos sang konsultasyon sa mga stakeholder.
