Absent sa gihapon si Senator Ronald “Bato” dela Rosa sa plenary session sang Senado kun sa diin 18 lamang ka mga Senador ang nagtambong matapos nagbalik ang session nagikan sa malawig nga Undas break.
Ang padayon nga pag-absent ni Dela Rosa ang matapos ang kontrobersya nga nagwa sang tinalikdan nga semana natuhoy sa iya kaso.
Madumduman nga ginpahayag ni Ombudsman Crispin Remulla nga ginaalegar may ginpagwa nga arrest warrant ang International Criminal Court (ICC) batok sa senador.
Ini ang ginpanginwala naman sang mga otoridad kag ginpahayag nga wala sang kamatuoran ang nasambit nga impormasyon.
Si Dela Rosa ang anay hepe sang Philippine National Police kag isa sa mga nagapanguna nga mga personalidad nga naangot sa kampanya batok sa illegal nga druga sang nagligad nga administrasyon.
