Liwat nga na-eleher si Senator Francis Chiz Escudero bilang Senate President matapos makakuha sang 19 ka boto batok sa lima ka boto para kay Senator Vicente “Tito” Sotto III.
Natabo ang botohan kadungan sang pagbukas sang una nga regular session sang 20th Congress kahapon sang aga.
Santo nga patakaran sang Senado, ang nalutos nga kandidato sa Eleksyon para sa Senate President ang automatic nga mangin minority leader.
Makaupod sini ang mga senador nga nagboto sa iya bilang bag-o nga minority.
Samtang, ang mga nagboto kay Escudero amu naman ang mga mangin miyembro sang majority.
Ang eleksyon ang natabo antes pa man ang State of the Nation Address (SONA) ni President Ferdinand Marcos Jr.
Pagkatapos sang eleksyon sa Senado, ini ang ginsundan sang pagtukod sang mga komite kag pagtackle sa mga hagna para sa bag-o nga session sang Kongreso.
Magapabilin bilang Speaker sang House of Representatives para sa 20th Congress si Leyte 1st District Rep. Ferdinand Martin Romualdez matapos nakuha ang boto sang mayorya sang mga kongresista kahapon.
Si Romualdez ang gin-nominate ni Quezon 2nd District Rep. Jay-jay Suarez, kag ginpaboran sang 269 ka mga House representatives samtang 34 ka iban pa ang nag-abstain.
Ang nominasyon ni Romualdez ang ginsegundahan naman nanday Ilocos Norte 1st District Rep. Sandro Marcos III, Wilfredo Quezon 1st District Rep. Wilfredo Mark Enverga, Antipolo 1st District Rep. Ronaldo Puno, Misamis Oriental 2nd District Rep. Yevgeny Emano kag TUCP Party-list Rep. Raymond Mendoza.
Antes pa man nagbukas ang 20th Congress kahapon, nakasecure na si Romualdez sang suporta sang House “supermajority,” nga nagperma sang isa ka manifesto nga nagapabutyag sang handum nga ipabilin ang iya Speakership.
