Ginpahayag ni Senator Imee Marcos sa ginpatigayon nga press conference ksaunod sang pagbisita sa opening sa 28th Panaad sa Negros Festival kahapon nga sigurado ini nga pirmahan sang presidente ang Negros Island Region Act.
Suno kay Marcos, ang hagna ang nakapasar na sa duha ka houses sang Congress kag para sa formality ang presidente ang indi na magduha-duha nga magpirma sini.
Suno diri, sadto naumpisahan na ang pagbutang sang pila ka mga opisina sang ahensiya sang gobyerno sa probinsya sang Negros kag kanugon lamang kun indi pagdayunon bangud naggasto na ang gobyerno.
Ginpahayag man ni Marcos madugay na nga may oposisyon ang Dumaguete, Negros Oriental sa pagbalik sang NIR bisan pa sadtong buhi pa si the Negros Oriental Governor Roel Degamo bangud sa kahangawa nga mabilin ang mga ini sa pag-umwad kag ang ila mga kultura ang mas malapit sa Cebu sangsa Bacolod.
Suno kay Marcos ang tanan nga mga reklamo kag mga oposisyon ang naestoryahan na kag dako ang pagpati sini nga madayon ang pagbalik sang NIR santo sa naplanuhan.
