Senior Citizen nga gintadtad sang bala sa banwa sang Calatrava, gina-alegar nga anay NPA member

Ginpahayag sang Calatrava Municipal Police Station nga may nagahambal nga anay rebelde ang senior citizen nga si Alyas Tolendoy, 63 anyos, nga napatay matapos ginpaarakan sang luthang sang wala makilal-an nga suspect sa Sitio Spur 2, Brgy Minapasok, Calatrava, alas-5:45 sang hapon sang Miyerkules.

Sa interview sang Bombo Radyo Bacolod kay Police Major Wilfredo Benoman, hepe sang Calatrava Municipal Police Station, bisan pa nga gin-ako sang New People’s Army nga sila ang nagpatay kay Alyas Tolendoy ini ang ginakonsiderar nga anggulo sang kapulisan apang padayon sa gihapon ang ila imbestigasyon.

Suno diri, may yara sang nagahambal nga anay miyembro sang NPA si Alyas Tolendoy apang wala pa sila sang may gina-uyatan nga makapamatuod diri.