-- ADVERTISEMENT --
Nagpirma si Shai Gilgeous-Alexander kag ang Oklahoma City Thunder sa isa ka kasugtanan para sa 4-year extension sang basketball superstar.
Ang bayad sa nasambit nga ginpirmahan nga kontrata ang nagdangat sa $285 million nga amo ang pinakamahal nga kontrata sa kasaysayan sang NBA base sa kada tuig nga sweldo. Bangud sini, siya na subong ang may pinakamataas nga single-season average salary sa NBA history.
Si Gilgeous-Alexander ang naghalin sa makasaysayan nga season sa liga kun sa diin siya ang ikaapat nga NBA player sa history nga nadeklarar nga MVP, Finals MVP, scoring title, kag nakadaug sang championship sa isa lang ka season.
Una nga nakaobra sini amo sanday Kareem Abdul-Jabbar, Michael Jordan, kag Shaquille O’Neal.
