Patay ang isa ka barker matapos nga gintiro sang wala makilal-an nga suspetsado sa sulod sang computer shop sa Purok Langis, Barangay Banago, Bacolod City kagab-i.
Ginkilala ang biktima kay certain Bryan kag ginapahayag nga ang pamilya sini ang residente sang Mambuloc, Barangay 10, Bacolod City, apang ini ang naga-arkila sang puluy-an sa Purok Cereza, Barangay 3, Bacolod City.
Ginpahayag sang purok chairman sang Purok Langis, Barangay Banago nga ang biktima ang nakilala nga si alyas Drei kag siya ang may pamilya sa Mambuloc, Barangay 10 syudad sang Bacolod santo man sa ginapahayag sang mga tawo sa palibot.
Suno kay Meloy Magbanua , nagahampang sang computer si Bryan alyas Drei sa computer shop ni Nilda De Ramos sang ini ang ginpalapitan sang suspetsado kag kag gintiro a ulo.
Sa interview sang Bombo Radyo Bacolod kay Police Captain Armilyn Vargas, station commander sang Police Station 3, ang biktima ang nagahampang sang computer sang ginpalapitan sang isa ka tawo kag gintiro.
Suno kay Vargas, kaupod sang biktima ang duha ka mga bata sang ini ang nagahampang sang computer apang ang duha ka mga bata ang nagatalikod sa biktima sang ini ang gintiro.
Santo sa ila nga pagpangusisa sa mga tawo sa palibot, wala ang sila nakahibalo kun sa diin nag-agi ang suspetsado bangud pagkabati sang mga ini sang lupok, sila ang nagpanago man.
Suno kay Vargas, ginapahayag man sang mga tawo sa palibot nga naglakat lamang ang suspek pagwa ang suspek sa lugar.
Suno diri, ang biktima ang isa ka barker ukon nagapasaka sang mga pasahero sa PUJ sa atubang sang City Mall Mandalagan.
Nagapanawagan man ang station commander sa nakakilala sa biktima nga makig-angot sa ila agud matumod ang identity sini.
Ang biktima ang may yara sang tattoo sa natuo nga kamot nga 2 ASIA.
Nakakuha man ang katapo sang Scene of the Crime Operation (SOCO) sang tooter kag lighter sa paghinakop sang biktima.
