Nagakuha gihapon sang baboy ang ciudad sang Silay gikan sa iban nga local government unit (LGUs).
Sa interview sang Bombo Radyo Bacolod kay Silay City Mayor Joedith Gallego, aminado ini nga may mga nagkalamatay nga mga baboy sa pila nila ka mga Barangay.
Apang ini ang mga suspected cases lamang sang African Swine Fever kag wala sang kumpirmado nga kaso.
Apang ini ang gamay lamang nga porsyento kag majority gihapon ang indi apektado.
Sa karun ginaplanuhan pa nila kun magabutang sang border control.
Suno kay Gallego, indi supisyente ang lokal nga supply sang baboy sa Silay City gani sila ang magakinahanglan gihapon magkuha gikan sa iban nga banwa kag ciudad.
Apang pasalig niya nga sila ang may mga ginahimo man nga tikang agud maprotektahan ang hog industry.
Suno diri, agud maseguro nga safe ang ginakonsumo nga baboy, pahanumdom ni Gallego nga ang ginapahanugutan lamang nga mabaligya amo ang mga karne sang baboy nga naglabay sa slaugtherhouse.
Panawagan sang alkalde sa mga Silaynon nga magkooperar sa Task Force Anti-ASF.
Samtang kun may matalupangdan naman nga senyales sang balatian sa baboy, panugyan ni Gallego nga magkoordinar sa City Veterinary Office ukon sa iya opisina, agud makapatigayon sang inspection.
