May-ara na sang witness nga nagpalapit sa Silay City Police Station may kaangtanan sa paglampos sang bato sa tatlo ka mag-utod nga Bornales sa Hacienda Badiang, Brgy E. Lopez, Silay City.
Sa interview sang Bombo Radyo Bacolod kay Police Lt Edison Garcia, hepe sang Silay City Police Station, nagapabilin nga kritikal ang 15 anyos nga babayi nga biktima samtang ma-estorya na ang apat ka tuig nga bata nga lalaki.
Madumduman nga napatay ang 9 ka tuig nga bata nga babayi matapos ginlampusan sang bato sa ulo kag likod, samtang ginhingagaw naman sa ospital ang duha.
Ginpasalig man ni Garcia nga halin sa umpisa sila ang ginpahanugutan lamang nga maka-upod sa pamilya sa ospital.
Nagakooperar man ang pamilya sa pagtipon sang mga ebidensya.
Suno kay Garcia, nagrequest sila nga mapaidalom sa autopsy examination ang bangkay, kag ginahulat pa nila ang approval sang pamilya.
Samtang nasugilanon na nila ang apat ka tuig nga bata, kag ang impormasyon nga nakuha nila ang dako nga bulig sa kaso.
Apang nahibaluan nga indi pagid fluent sa paghambal ang bata.
Sa pihak sini, padayun man ang case build up agud mahikutar naman ang mga papeles nga magamit sa pagpasaka sang kaso.
Sa karun, wala pa ginbuyagyag sang hepe kun pila ang ila persons of interest, apang sila ang may-ara na sang witness.
Panawagan nila sa iban pa nga pumuluyo nga mahimo nakawitness ukon may nahibaluan, nga magbulig sa pagsolbar sa krimen.
Gipasalig sini nga proteksyonan nila ang identity sang magaserbe nga witness.
Nagakooperar man ang pamilya sa pagtipon sang mga ebidensya.
Suno kay Garcia, nagrequest sila nga mapaidalom sa autopsy examination ang bangkay, kag ginahulat pa nila ang approval sang pamilya.
