Nakita sa liwat sang isa ka lalaki nga halin sa Mississippi ang iya nga singsing matapos madula sa sulod sang 44 ka tuig.
Pahayag ni Darien Ladner, nadula ang iya nga singsing samtang nagtambong siya sa isa ka party sa Pass Christian beach upod ang iya mga abyan sang senior high school.
Suno diri, kapila na nga beses niya ginpangita an singsing apang wala sa gihapon niya ini nakita.
Ginbalikan pa sini sa liwat ang nasambit nga baybayon upod ang assistant principal agud nga pangitaon ang singsing gamit na ang metal detector apang wala sa gihapon ini nila nakita.
Sa sini lang nga semana, nakabaton si Ladner sang mensahe sa Facebook halin kay Sammy Jewell, nga iya nakita ang singsing samtang naga-treasure hunt siya sa baybayon gamit ang metal detector.
Tuman naman ang kapilay kag indi siya bangud sang tuig 1982 pa nadula ang singsing kag nakita sa amo man nga lugar kun sa diin niya ini nadula.
