Madamo sang mga nag-upod sa pagdul-ong kay Nicus Balagusa, 20 anyos, Grade 11 student sa ulihi sini nga palahuwayan subong nga Hunyo 12, kadungan sa Philippine Independence Day.
Madumduman nga si Nicus ang ginsulod sa kwarto kag ginluthang sa atubang mismo sang iya mga ginikanan sang Hunyo 2 sang gab-i.
Ang suspect ang ginkilala nga si Carlito “Dondon” Tongho, amay sang 16 anyos nga babayi nga gina-alegar ginlugos sang duha ka abyan ni Nicus.
Ang suspect ang may 4 pa ka kaupdanan kag sila ang lunsay ginpasakaan na sang kaso nga murder.
Ginpahayag sang biktima sa paghimulos sa mga kapulisan nga si Nicus ang indi kabahin sa nagtandog sa iya, bangod ini ang temprano nga nagpauli, sa baylo ini pa ang nagpaandam sa iya mga barkada nga indi tandugon ang menor de edad.
Sa karun padayun pa nga ginalagas sang mga kapulisan ang mga suspetsado.
