Nagpatigayon ang tropa sang South Korea kag Estados Unidos sang isa ka joint military drills agud tsekyaron ang company-level combat capabilities sang rotational deployment unit sa tunga sang tensyon sa Korean peninsula.
Sa isa ka video footage nga ginrelease sang U.S army, makit-an ang mga suldado sang South Korea kag Estados Unidos nga nagapatigayon sang Combined Arms Live Fire Exercise (CALFEX) sa Rodriguez Live Fire Complex sa Pocheon, norte nga bahin sang Seoul, indi maglapaw sa 30 kilometros ukon 19 miles nagikan sa border kaupod sa North Korea.
Nagsugod ang drills sang Hulyo 22 kag magapadayon sa Agosto 3 suno sa army.
Madugay na nga ginkondenar sang Pyongyang ang kaangay nga joint military drills bilang rehearsals sa mga gyera samtang ginportray naman sang Seoul ang exercises nga defensive lamang.
