South Korean Spy, ginkumpirmar nga nagpadala ang North Korea sang suldado sa Russia agud makig-away sa Ukraine

Ginkumpirmar sang South Korea spy agency nga nagpadala sang mga suldado ang North Korea sa Russia agud nga makig-away sa Ukraine.

Ang nasambit nga alegasyon ang matapos ang pila ka adlaw nga ginpahayag ni Ukrainian President Volodymyr Zelensky nga may yara sang 10,000 nga suldado nga ginpadala ang North Korea sa Russia.

Bangud sini nagpatawag sang security meeting si South Korean President Yoon Suk Yeol.

Nagpanawagan man ang South Korean President nga dapat ang gilayon nga maghimo sang tikang ang mga international leaders.

Santo sa nakuha nga impormasyon sang spy agency nag-abot sa Russia ang kapin 1,500 nga suldado sang North Korea samtang nagdangat sa kapin 12,000 nga mga suldado ang preparado nga magpadulong sa Russia.