BACOLOD CITY — Liwat nga nagtumbalay ang Stallion Laguna Football Club sa Ceres Negros FC sa ikaduha nga kahigayunan sa Panaad Park and Stadium kahapon nga kabahin sa gihapon sang mga match-ups sang Philippine Football League (PFL) 2017.
Nagtapos ang hampang sa score nga 5-2 pabor sa Ceres Negros sa atubang sang 2,640 nga kadamuon sang tumalan-aw.
4-0 ang score sa first half nga napasulod nanday Jeffrey Christiaens, Iain Ramsay, Stephan Schrock kag Jose Elmer Porteria.
Naka-goal naman sang duha ang Stallion sa second half pinaagi kanday Fitch Arboleda kag Ruben Doctora samtang nadugangan pa sang isa ka goal ni Bienvenido Marañon ang score sang Negros-based football club.
Madumduman nga sang nagligad nga miekoles nalutos man ang Stallion sa Ceres Negros.
Sa maabot naman nga Miyerkules maga-atubangay ang Ceres Negros FC kag Global Cebu FC sa ciudad sang Cebu.
