Ginpatigayon kaina ang turn over ceremony sang special patent sang Mambukal Resort and Wildlife Sanctuary sa Negros Occidental Provincial Government.
Ang seremonya ang gintambungan nanday Negros Occidental Governor Eugenio Jose ‘Bong’ Lacson, Provincial Environment and Natural Resources (PENRO) Head Engr. Joan Nathaniel Gerangaya, Provincial Environment and Natural Resources officer in charge Edgardo Rostata kag Murcia Mayor Gerry Rojas.
Ginpatpat ni Gerangaya ang history sang anay Mambukal Summer Resort nga nangin rasun agud madeklarar nga protected area ang Mt. Kanlaon Natural Park.
Suno kay Lacson ang special patent ang nagaserbe nga mapatuod nga ang Mambukal Resort and Wildlife Sanctuary ang propedad nagid sang provincial government.
Makapila naman nga gintinguhaan nga mahatagan sang special patent ang Mambukal Resort apang sadto tuman pa ka damo sang requirement gani wala nagakadayun.
Ini ang natigayun gid man matapos nga ginhatag na lamang sa PENRO ang jurisdiction sa paghatag ang special patent.
Suno kay Lacson magluwas sa 24 hectares nga nalakip sa special patent, sila ang nagbakal sang adisyunal nga 11 hectares sang duta sa palibot.
Ini agud ma-expand pa ang mga recreational facilities kag madugangan ang mga attractions sa Mambukal.
Suno kay Lacson, magluwas sa Boracay Island, ang mambukal ang may pinakamadamo nga tourist visitors sa Pilipinas.
Gani pinaagi sa improvements, mahatagan sang dugang nga rasun ang mga turista nga magbalik-balik sa probinsya.
