Arestado ang isa ka manunudlo nga lalaki matapos maserbihan sang warrant of arrest sa kaso nga 2 counts sang qualified rape sa Brgy Rizal, Sagay City.
Ang suspect ang ginkilala lamang nga si Alyas Em, 44 anyos, single, manunudlo sa Special Education (SPED) sang Department of Education, kag isa man ka sports coordinator.
\Ang operasyon ang ginpangunahan sang Sagay City Police Office sa bulig sang Provincial Intelligence Unit sang Negros Occidental Police Provincial Office.
Ang suspect amo ang Top 6 Most Wanted Person sa Police Regional Office – Negros Island Region.
Sa inisyal nga impormasyon, ang insidente sang sexual abuse ang natabo samtang nagapatigayon sang inhouse training ang manunudlo sa iya mga SPED students para sa Palarong Pambansa.
Siya ang ginpasakaan sang kaso nga 2 counts sang qualified rape nga wala sang recommended bail.
Ang qualified rape ang ginapasaka batok sa mga parents ukon guardians nga ma-akusaran sang sexual abuse.
Ang manunudlo ang ginakabig nga guardian sa pagpatigayon sang in-house training.
