Napamatud-an ni Bacolod City Mayor Greg Gasataya ang dako nga mabulig sang “sports toursim.”
Sa interview sang Bombo Radyo Bacolod kay Mayor Greg, nagadangat sa kapin 10,000 ang estimated delegates nga dugangan pa sang mga coach kag trainors.
Suno diri, sa kaangay ka dako nga event, ginalauman na ngadaan ang madamo nga tumalan-aw lakip na ang mga pamilya sang mga athletes.
Pahayag sini nga naka-income man ang mga kalan-an sa palibot sang billeting schools, kasubong man nagapanindahan man ang kada delegasyon para sa pamahaw, panyaga kag panyapon sang libo-libo nga mga atleta.
Nakaincome man ang pila ka mga restaurant, samtang may mga delegasyon man nga nagbook sang hotel.
Isa man sa naboost amo ang transport sector sa sulod sang isa ka semana nga aktibidad.
Matapos ang closing ceremony kahapon, nagdecamp na ang mga delegasyon sa billeting schools. kun sa diin nakita man nga madamo sang mga nagbakal sang pasalubong nga mabalon sa pagpauli.
