Sportsfest, ginpatigayon sang Bacolod City Police Office para sa ila mga personnel

Nagpatigayon sang sportsfest ang Bacolod City Police Office para sa mas hugot nga unity kag mas mabakod nga resistensya kasubong man ikaayong lawas sang kapulisan sa pagtrabaho.

Sa interview sang Bombo Radyo kay BCPO Director Police Colonel Joeresty Coronica, dapat nga may balance life ang kapulisan.

Suno diri, indi lamang dapat nga magtrabaho lang ang kapulisan apang dapat nga sila ang may extra nga activities man.

Ang sportsfest ang makabulig sa kapulisan sa pagrelease sang pressure sa trabaho.

Makadevelop man sang teamwork, camaraderie, sportsmanship kag unity sa trabaho.