Nagpagwa sang bag-o nga landslide warnings ang mga otoridad sa Sri Lanka kadungan sang pagbubo sang mabaskog nga ulan bangud sa makusog nga bagyo kun sa diin nagdangat na sa 627 ang death toll.
Ind magnubo sa 1,826 ka mga persona ang nagkalamatay sa mga kalamidad nga naglaslas sa Southeast kag South Asia nga gintunaan sang mga landslides, pagbaha kag pagkaguba sang mga komunidad nagikan sa rainforests sang Sumatra Island tubtob sa highland plantations sang Sri Lanka.
Masobra duha ka million nga mga pumuluyo sa Sri Lanka, malapit sa 10 percent sang populasyon, ang naapektuhan sang pagbaha kag landslides sang tinalikdan nga semana nga gintrigger sang Cyclone Ditwah, ang pinakamalala nga nag-igo sa isla subong nag siglo.
Suno sa Disaster Management Centre (DMC), ang monsoon rains ang nagadugang pa sa pag-ulan kag pagka-unstable sang mga kabukiran lakip na ang central mountainous region kag northwestern midlands.
