Naga-apelar ang Sentrong Samahan ng mga Tsuper at Operators Negros (SSTONE) sa Land Transportation Franchising and Regulatory Board (LTFRB) Region 6 nga pahanugutan pa nga makaproseso ang mga traditional jeepney operators nga willing magpaconsolidate.
Sa interview sang Bombo Radyo Bacolod kay SSTONE Secretary-General Junjun Asis, 156 ka units lamang ang nahingagaw nila nga mapaconsolidate samtang may 108 nga wala nakahingagaw.
Paathag sini nga apat lamang ang una nga ginpangayo nga requirements apang madamo sang dugang nga ginpangayo sa LTFRB Regional office gani wala nakakompleto ang iban.
Isa sa tuman ka naapektuhan amo ang nagabyahe sa Barangay Handumanan kag Bata.
Suno kay Asis sa 79 ka units nga kinahanglan sa Barangay Handumanan, pito lamang ang naconsolidate.
Ini ang nagresulta sa pagkastranded sang madamo nga pumuluyo partikular na ang mga empleyado kag etudyante.
Bangod sa kakulangan sang transportasyon, naghingyo ini sa mga unconsolidated traditional jeepneys nga maakumodar ang mga nastranded nga pasahero, nga iya man ginkoordinar sa LTFRB.
Nagsulat naman ang mga ini kay Bacolod City Mayor Alfredo “Albee” Benitez nga sila ang mabuligan sa pag-apelar agud bisan paano masolusyunan ang problema.
Ginakahangaw-an sini ang sitwasyon sa nasambitan nga routa sa masunod nga inadlaw kag semana.
