Gin-aprubahan sa ginpatigayon nga Regional Peace and Order Council Meeting sa Western Visayas ang Stable Internal Peace and Security status para sa probinsya sang Negros Occidental.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, nga amo ang chairman sa Regional Peace and Order Council, wala sang dapat nga ikahangawa para sa seguridad sang probinsya bangod apisar sa deklarasyon, magapabilin gihapon ang pagbantay sang mga kapulisan kag militar sa probinsya.
Ang meeting nga ginpatigayon sa ciudad sang Bago, ang gintambungan man ni Police Regional Office 6 Director Police Brig. Gen. Jack Wanky, mga pamunuan sang Philippine Drug Enforcement Agency (PDEA), Bureau of Jail Management and Penology (BJMP) kag iban pa nga concerned agencies.
Suno kay Lacson, matapos ang pagpasar sa Regional level ang resolusyon ang igapresentar na Office of the President sa pag-aprubar ni President Ferdinand “Bongbong” Marcos Jr.
