Pilason ang isa ka suldado sa nagluntad nga engkwentro sa tunga sang 62nd Infantry Battalion kag gina-alegar remnants sang Central Negros 1 sang New People’s Army sa Barangay Humay humay sa ciudad sang Guihulngan City, Negros Oriental, kahapon, alas- 6:07 sang aga.
Sa interview sang Bombo Radyo kay Lt Col Evelio Ilanga, commander sang 62nd IB, samtang nagpatigayon sang pagpatrolya sa lugar ang militar hinali lang naglunsyar ang NPA sang M203 grenade.
Kasunod sini nagluntad ang engkwentro nga nagdugay sa kapin sa lima ka minuto batok sa ginabanta nga siyam ka NPA.
Sa nagluntad nga engkwentro may napilasan nga suldado nga may ranggo nga corporal samtang ginapatihan man nga may pilason sa bahin sang NPA santo sa mga trace sang dugo nga nakita sa area.
