Ginpahayag sang fitness instructor nga sa aircon sang dental clinic sa 3rd floor sang BCB building sa dalan Araneta ciudad sang Bacolod naghalin ang aso nga nagresulta sa sunog.
Sa interview sang Bombo Radyo Bacolod kay Dennis Villarino, una nakita sang mga bata nga naga-gym sa 4th floor nga may aso sa exit gani gilayon niya man ini nga ginpangita.
Suno kay Villarino, nakita sini nga ang aso ang nagikan sa aircon gani gilayon man sila nagfire call.
Madasig man nga nag-abot ang personnel sang Bacolod City Fire Station sakay sa tanan nila nga fire engine kag nagresponder man ang Chamber.
Napalong man gilayon ang kalayo.
Suno kay Villarino, wala man sang nasamaran bangud ang mga tawo sa 4th floor ilabi na ang mga kabataan nga nagagym ang nagpanaog naman sang nakita nga may aso sa building.
