Ginalantaw sang state weather bureau nga PAGASA ang posibilidad sang pagmerge sang super typhoon Hinnamnor kag tropical depression Gardo sa sulod sang Philippine area of responsibility (PAR).
Alas-3:00 kaina sang kaagahon ang sentro sang Tropical Depression “GARDO” ang nasiplatan sa 1,140 km East sang Extreme Northern Luzon.
Ini ang may kabaskugon sang hangin nga nagadangat sa 55 km/h kag may pagmadlos nga tubtob 70 km/h samtang ini ang nagahulag sa Northeastward nga dereksyon sa kadasigon nga 10 km/h.
Samtang ang Super Typhoon “HINNAMNOR” ang yara sa 1,170 km East Northeast sang Extreme Northern Luzon sa gwa sang Philippine Area of Responsibility (PAR).
Ini ang may kabaskugon sang hangin nga nagadangat sa 195 km/h kag may pagmadlos nga tubtob 240 km/h samtang ini ang nagahulag padulong sa nakatungdan sa kadasigon nga 30 km/h.
Ang Metro Manila kag nabilin nga bahin sang pungsod ang makaeksperyensya sang magulugal-umon tubtob sa magal-umon nga kalangitan nga may lapta-lapta nga pag-ulan kag pagpanaguob dala sang Localized Thunderstorms.
Ang Northen kag Central Luzon ang makabatyag sang mahinay tubtob sa makasarangan nga huyop sang hangin padulong sa naaminhan-nasidlangan tubtob naaminhan-nakatungdan.
Ang nabilin nga bahin sang pungsod ang makabatyag sang mahinay tubtob sa makasarangan nga huyop sang hangin padulong sa naaminhan-nakatungdan tubtob nabagatnan-nakatungdan.
Ang baybayon ang mangin makanay tubtob sa makasarangan nga pagbalod.
