Kinahanglanon sang mga medical workers ang laban nga kadtuan sang 119 million pesos nga isa ka bulan nga Internal Revenue Allotment sang Bacolod sa idalom sang Bayanihan grant sa mga local government unit bangud sa COVID 19.
Sang Martes, gin-aprubahan sang City Development Council sang Bacolod ang 160 million pesos nga supplemental investment program para sa COVID 19.
Ang 160 million pesos ang ginalakipan sang 119 million pesos nga supplemental fund nagikan sa isa ka bulan nga Internal Revenue Allotment sang Bacolod santo sa Bayanihan Grant samtang ang nabilin naman nga kantidad ang kuhaon sa iban nga savings sang ciudad.
Ini ang ginalakipan sang pondo nga inugbakal sang dugang nga personal protective equipment para sa mga medical workers sa ciudad, test kits, P20 million para sa bio-laboratory testing facility sa Corazon Locsin Montelibano Memorial Regional Hospital kag mga food packs.
Sa interview sang Bombo Radyo kay Bacolod City Vice Mayor El Cid Familiaran, tuman ka importante ang protective gear sang mga medical workers.
Nahibaluan nga para lamang sa COVID response ang katumbas sang isa ka bulan nga IRA share sang LGU kag indi ini sarang magamit sa iban nga katuyuan.
Sa mass testing naman suno kay Familiaran, pagaunahon ang mga indibidwal nga may yara sang sintomas sang COVID.
