Ginarespeto ni Presidente Ferdinand Marcos Jr. ang nangin desisyon sang Korte Suprema agud nga pabakuron ang unconstitutionality sang articles of impeachment batok kay Vice President Sara Duterte.
Suno kay Presidential Communications Office Undersecretary Claire Castro, ginarespeto sang Presidente ang desisyon sang Korte Suprema bilang ulihi nga dalaganan sa mga legal issues.
Indi naman magpanghilabot si Marcos sa plano sang Kongreso pananglitan nga bag-uhon ang rules pag-abot sa impeachment.
Sa pihak sini, ginhatagan pagtamud sang Palasyo nga indi pagtinlo ukon vindication ang nangin pagpamatbat sang Supreme Court kundi bangud lang sa mga technicality gani wala madayon ang impeachment.
Gindeklarar sang Korte Suprema ang articles of impeachment batok kay VP Duterte nga unconstitutional bangud sa kapaslawan nga hatagan sang pagtamod ang una nga tatlo ka complaints kag sa pag-file sang ikaapat nga paglapas sa one-year bar rule.
