Napatay kaina alas-5:27 sang aga ang subject person sa drug buybust operation nga nagpatay sang pulis sa Brgy Singcang Airport sang Huwebes sang gab-i.
Ang suspect ang ginkilala nga si Ronelo Panuncial.
Ini ang ginkumpirmar ni Bacolod City Police (BCPO) Office Officer in Charge Police Col. Eugene Rebadomia.
Madumduman nga napatay si Police Master Sergeant Romulo Galvez, miyembro sang Station Drug Enforcement Team (SDET) sang Bacolod Police Station 9 matapos maigo sang bala sa paa.
Nahibaluan nga nasaputihan ang suspect samtang ini ang ginakontrolar sang mga kapulisan.
Ang suspect ang gindala sa Corazon Locsin Montelibano Memorial Regional Hospital para mabulong, apang suno kay Rebadomia, ini ang nagawaras kag halos indi makontrolar.
Ginalantaw sini ang posibilidad nga nasobrahan sa paggamit sang illegal nga droga si Panuncial.
Sa karun, ginahulat pa nila ang official confirmation gikan sa doktor, agud matumod ang rasun sang kamatayon sang suspect.
Sa pihak sini, ipadayun ang pagfile sang kaso subong nga adlaw.
Nahibaluan nga pasakaan kuntani sang kaso nga homicide, paglapas sa Republic Act 9165 ukon Comprehensive Dangerous Drugs Act of 2002, kag Republic Act 10591 ukon Comprehensive Firearms and Ammunition Regulations Act.
