Nagdangat na sa 39 ang reported nga suspected nga kaso sang Pertussis sa probinsya sang Negros Occidental.
Suno kay Dr. Girlie Pinongan, provincial health officer sang Negros Occidental, Walo diri ang kumpirmado nga kaso, 13 ang negatibo kag 18 ang probable case samtang ginahulat pa ang resulta gikan sa Research Institute for Tropical Medicine (RITM).
Madumduman nga may yara na sang isa ka napatay nga isa ka bulan nga lapsag bangod sa pertussis, apang nagtaliwan ini antes pa man nag-abot ang resulta nga positibo ini.
Samtang, sang Martes, may isa naman ka duha ka bulan nga lapsag nga babayi nga napatay, apang sa karun ginahulat pa ang result sini gikan sa RITM.
Ang mga biktima sang Pertussis naga-range sa edad nga isa ka bulan tubtob 62 anyos kag kalabanan diri amo ang mga lapsag nga naga-edad sang 0 to 9 months old pa lamang.
