Nakuha ang pila ka sachets sang supected shabu sa ginarentahan nga balay nanday Jennifer Galve, iloy ni Pearl Joy Galve kag stepfather nga si Rene John Nasis alias Negro sa Purok A.C. Yulo, Barangay Sum-Ag, Bacolod City.
Sa interview sang Bombo Radyo Bacolod kay Police Captain Michael Tuburan, station commander sang Bacolod Police Station 9, sila ang gincontact ni Janna Portoza, pakaisa ni Pearl Joy matapos makakita sang anom ka sachets sang suspected shabu sa sulod sang cabinet.
Suno diri, siya ang ginsugo sang iya tiya nga magtsekyar sang hinalay, kag sa pagbukas sa cabinet nga bayu-an didto sini nakit-an ang mga suspected shabu.
Ang mga narekober nga suspected shabu ang ginabanta nagabug-at sang 30 gramos kag may standard drug price nga P200,000.
Ang mga suspected shabu ang napadala na sa crime laboratory para sa eksaminasyon.
Suno kay Tuburan, indi pa matumod kun kay Negro ang nasambitan nga ginapatihan illegal nga droga.
Alas-11:00 kaina sang aga, gindala naman sa talatapan sang National Bureau of Investigation (NBI) – Bacolod si Negro.
Si Negro ang ginturn-over sang Bacolod City Investigation and Detection Group (CIDG), kasunod sang pag-issue sang subpoena sang NBI – Bacolod matapos ang pagtuad ni Jennifer nga sila ang ginapahog ni Negro kag mga grupo sini.
